الجمعة، 15 أغسطس 2008

احلى من الشيشة ؟ ... ما فيشا !!!

هوسسس...ولا نفس... أنا عايزة أعمل دماغ !!!

فى يوم من الأيام بعد انتهائى من عملى -عندما كنت أعمل فى قسم التسويق فى أحدى مجلات الكبيرة فى مصر- كنت مرهق جداً.


وكنت ساعتها فى وسط البلد فقررت أدخل أحد المولات الكبيرة هناك ودخلت كافيه مشهور جداً .


المهم بعد ما دخلت و استرحت لقيت حاجة ولا فى الأحلام كنت دايماً بسمع عنها فى الحواديت .


لقيت بنات و فى بقهم بزازة أأأ قصدى شيشة.


وما شاء الله من جميع المستويات من أعلى لأدنى مستوى


وكل واحدة مفيش على لسانها غير " والنبى يا أحمد هاتلى ولعة " , " والنبى يا أحمد حجر تانى" , " والنبى يا أحمد


سخنلى الشيشة " .


والحمد لله أخيراً عرفت إن أحمد ده أجدع واحد فيكى يا مصر بيعمل شيشة


المهم و بينما أنا أحدق فيهم جالى الجرسون وقاللى" طلباتك يا باشا ؟"


قلتله " شيشة أأأ قصدى شاى "


و يدوب خلصت الشاى و طلعت أجرى.


تانى يوم رحت الشغل و أنا قرفان و لما دخلت المكتب لقيت زمايلى قاعدين يفطروا و آخر مزاج.


فقامت مروة (خريجة الجامعة الامريكية )


قالتلى " مالك يا معلم زعلان ليه ؟ "


قمت حكيت ليهم على اللى شفته اليوم اللى قبله.


لقيت اللى قاللى" يا عم فكك!!!" و اللى قاللى "ايه القرف بتاعهم ده؟ "


مروة بقى قالتلى يا سلام ؟ بقى فى كده فى الدنيا ؟ بنات و بتشرب شيشة !!!؟ .


قمت قلتلها "لو مش مصدقانى تعالى معايا بعد الشغل" .قالتلى" أووووكى"


مروة دى من اعز أصدقائى !


المهم بعد ما خلصنا الشغل رحنا أنا و مروة الكافيه المشهور .


و دخلنا و هى عمالة تبص على البنات و ما فيش على لسانها غير "ايه القرف ده ؟" .


و بعدين قمنا قعدنا و قلتلها " تشربى أيه ؟"


قامت لفت راسها ونادت


والنبى واحدة تفاحة


يا أحمد !!!!!!!!!



كتبه : محمد السروجى

إقتباس من كتاباتى من مدونة روح الفدا

هناك 42 تعليقًا:

Unknown يقول...

كده ياماماتو حد برضه يشرب شاى فى الزمن ده؟ شكلك مكانش حلو خالص
أعتقد انها مسألة هوية .. الناس فاكرين ان التمسح فى النموذج الغربى شئ مشرف حتى لو قاد البنات إلى شرب الشيشة
رغم ان بشوية تركيز نعرف ان هذه الثقافات قادت الغرب إلى وضع أنا عن نفسى لم أكن أتشرف به لو كنت منهم
السبب من وجهة نظرى هو الجهل بثقافتنا وانعدام الصلة بيننا وبين مرجعياتنا
فرحنا نبحث عن الوجاهة فى ثقافات أخرى رغم أننا بالفعل نمتلك ما لا يمتلكه الآخرون من الجمع بين الهوية الواضحة ومقومات النهضة الحقيقية

يبقى أننا يجب أن نضع فى اعتبارنا أن التدخين بشكل عام كما أنه عار على البنت فهو عار على كل ذى عقل .. يعنى ينبغى أن نوجه الكلام ضد التدخين نفسه أكثر من توجيهه للمدخنات ليشمل المدخنين الرجال ..
شكراً ياماماتو ونزل موضوعات جديدة بلاش كسل زى أخوك..تحياتى

Maha Shahen يقول...

ههههههههههههه
يا سلام يا سلام علي الكلام
جميله جدا بجد البوست الشيشه للبنات بقت ظاهره غريبه عندنا عادات سيئه دخيله ههههههههه
والله ما عارفه دخيله ولا احنا اللي مصدرنها ليهم انا اعرف في اوروبا الستات بيشربوا سجاير جبناها احنا منين بقى دى الله اعلم
بس للأسف احنا دلوقتى بنشوف اللي بيشربوا شيشه اكتر ملى بيشربوا سجاير وطبعا انا بتكلم عن البنات وبيكونوا قاعدين عادى في الكافيهات ولا كأنها قهوه بلدى
هما مش شايفيين انهم بيعملوا شيء غلط شيشه ولا سجاير مهى خربانه خربانه في نظرهم
هنعملهم ايه ربنا يهدي الجميع

سلوى يقول...

ههههههههههههه
يعني أقول إيه

ومروة عملت كده
ده حقيقي يعني ؟؟

كان نفسي اشوف تعبيرات وجهك إيه وقتها

ربنا يهدي الجميع

di el2mr يقول...

ههههههه
ولسه ولسه
مش عارفه فاضل ايه يتعمل
ربنا يحفظنا

di el2mr يقول...

على فكره واضح ان مدونتك بجد جميله قوى

mamato2010 يقول...

السلام عليكم
أحمد عبد العدل
أه يا عم عندك حق محدش بقى بيشرب شاى فى الزمن ده و من ساعتها و حياتك ما بقتش أشرب شاى بقيت أشرب نسكافيه.و ايا كان فالتدخين غلط و خطر على المدخن سواء رجل أو أمرأة وعلى غير المدخن أيضا.و شكرا على مشاركتك

mamato2010 يقول...

السلام عليكم
نور شاهين
شكرا على المجاملة اللذيذة دى. ثانيا فعلا موضوع الشيشة ده أنتشر علشان أحنا بنحاول نحاكى الاوربيون.أنا على ما أعتقد أن أوروبا ما فيهاش موضوع الشيشة ده لكن أحنا البنات هنا بتحاول تقلد بنات أوروبا فى التحرر المزعوم و أن هى تعمل اللى هى عايزاه و اللى بتلاقيه فى الشيشة والسجاير و دى بتكون البداية و بعد كده بتصاحب ولد و ممكن تمارس معاه الرذيلة و ما فيهاش مشكلة لو تبقى مش عذراء.و بعد كده نلاقيهم ماشيين فى شوارع وسط البلد بيشربوا بيرة و خمرة و حشيش و عاملين دماغ.يللا ربنا يهدينا كلنا ويعافينا مما أبتلى به غيرنا.آمين

mamato2010 يقول...

السلام عليكم
سلوى
أه الموضوع ده حقيقى.أما عن تعبيرات وجهى وقتها أنا ماكنتش شايفها بس اللى أنا كنت حاسس بيه أنى بجد ماكنتش مصدق نفسى يعنى مصر كلها طلعت تعرف أحمد بتاع الشيشة وأنا أخر من يعلم.وبعديها جاتلى هيستريا ضحك من الموقف و قعدت أفتكرت مروة و هى مستغربة من اللى كنت بحكيهولها وكمان وأحنا داخلين و أيه القرف ده بجد كان يوم مشكلة.بس بعديها قرفت منها و قطعت معاها والعالقة بقت مجرد شغل مش أكتر و كمان أى بنت كنت أعرفها أبتديت أقطع معاها والحمد لله دلوقتى الواحد بقى أحسن.وكمان اتعلمت أنى ما آمنش لأى حد مهما كان صديقى لأن كل أنسان ليه أكتر من وش.

mamato2010 يقول...

السلام عليكم
ضى القمر
أولا شكرا على المجاملة و أنتى مدونتك أجمل.ثانيا فعلا بعد كده اللى هيحصل أن البنات اللى هما وصلوا لمرحلة السجاير و الشيشة و الصحاب هيعملوا زى بنات أوروبا و حيصاحبوا ولاد و مش هيحافظوا على عذريتهم وهيعتبروا أن ده تخلف.وكمان اللى ناقص أنهم يمشوا فى الشوارع و يضربوا بيرة و حشيش و يتطوحوا و يعملوا دماغ.بجد ربنا يهدينا كلنا.اللهم آمين

sahr يقول...

لا حلوة بجد
والله الواحد برده عايز يجرب يعني من باب التغيير

~ Bato0ot ~ يقول...

nice blog
:D
b ghad el nazar 3n en mawdo3 el shisha da ba2a 3ady gedan el wa7ed byshofo el youmen dol w setat w mo7gbat w wa7da a3da m3 gozha heya btshyesh w howa byshrab lamoon :D enshallah kheeer :)

غير معرف يقول...

هههههههههههههههههههههه
ياتري مروة بقي طلبت شيشة للتجربة ولا ده الطبيعي بتاعها يعني ؟؟؟
الغريب يا ماماتو ان البنات اليوم في الطبقة العليا بيعتبروها مزاج وحرية شخصية ومنجهه
بنات الطبقة الوسطي بيعتبروها فك للزهق وتقليد للطبقة العليا عشان يكونوا استااااااااااايل
بنات الطبقة الدنيا بكل اسف اتربوا علي انهم يولعوها لرجال العائلة وبالتالي نفس ولا اتنين ما يضرش برضه ..!؟ ومع الوقت تصبح عادة
يعني باختصار الموضوع كله فراغ وتقليد ونفخ هموم مع الدخان كوكتيل
وللاسف اغلبهم فاضي من جواه مستسلم لحياته الفارغة مالهمش هوية فعلا
تحياتي علي البوسط الجمييل

نونو يقول...

بجد مروة عملت كدة بجد ولا انت بتهرج ؟
ولو بجد انت بقى عملت اية ؟
انا لو منك هقلب الترابيزة واقوووووووووم على وش مروة
بس اية اللى حصل بجد
متشوقة جدااااا

mamato2010 يقول...

السلام عليكم
سهر
ربنا يخليكى ده بس من ذوقك.وايه ده بالظبط اللى عايزة تجربيه؟ الشيشة ربنا يبعدك عنها وعن شرها.قولى أمين.

mamato2010 يقول...

السلام عليكم
عقد الفل
بجد بقت حاجة تقرف و موضوع السجاير والشيشة وان البنات بقت شايفة ان ده هو التحرر. ربنا يهديهم ويهدينا

mamato2010 يقول...

السلام عليكم
ولاء
لا مروة طلعت شريبة شيشة و طلعت عارفة اماكن كتير بتشيش فيها من ضمنيها المكان اللى احنا كنا فيه و طلعت عارفة احمد بتاع الشيشة.بجد كانت حاجة غريبة وصدمة رائعة ده غير كده أن مروة أصلا خريجة جامعة امريكية يعنى مستوى أبن لذينة لكن هى بتشربها كيف و ربنا يهديها.و شكرا للمشاركة

mamato2010 يقول...

السلام عليكم
نونو
الموضوع بجد و انا مش بكدب فيه و مروة كمان دى بجد كانت من اعز اصدقائى قبل ما أعرف أنها كده.وربنا يهديها و شكرا على أهتمامك.واكيد حيبقى ليا زيارة لمدونتك.ان شاء الله

عصفور المدينة يقول...

ربنا يكرمك يا أحمد والله أصبح زمن عجيب
أخوك عصفور المدينة

حـــــدوتـــــة يقول...

السلام عليكم

ده زمن انصاف الرجال
فمتدايقش نفسك خالص
دى حرية شخصية وكل واحد يعمل اللى هو عايزه
وبعدين الغلط مش على البنات الغلط فى الرجاله اللى بتبقى قاعدة معاهم
يعنى انا مرضاش انى اقعد فى مكان ومعايا واحدة بتشيش ولو مش عاجبها متقعدش معايا
ولا انت شايف ايه

سلالالالالالالالالالالالالالالالالالالالالالالالالالالام

سمر الشافعى يقول...

زمن منيل بعيد عنك ايه القرف دا بنات تشيش بلا قله ادب

هات تفاحه يااااااااحمد

ههههههههههههه

بهزر طبعا الحمد لله عمرى ماشفت المناظر دى مرارتى مش هتستحمل

غير معرف يقول...

جميلة النهاية .. ومفاجئة .. ربما كان ذلك مازادها إثارة ..

أما مسألة الشيشة فتلك قضية أخرى

اساسها الفراغ للثريات من البنات .. أو فضول وحب التجربة بالنسبة لغيرهن

المهم أن الحبكة القصصية لديك غنية .. فهل من مزيد؟

Noha El-arabi يقول...

المشكلة كلها و اللي محدش واخد باله
مش في البنات
ده في احمد
صدقني يا عزيزي مش ده بس اللي وحش في بناتنا فيه اللي اكتر من كده بكتييير

mamato2010 يقول...

السلام عليكم
عصفور المدينة
أشكرك وربنا يكرمك أنت كمان.غير كده أنا أسمى محمد مش أحمد.سلام

mamato2010 يقول...

السلام عليكم
حدوتة
فعلا بقى زمن انصاف الرجال.غير كده انا ما كنتش اعرف أن مروة بتاعة شيشة وطبعا انا عمرى ما بقعد مع حد بيشرب سيجارة.أجى أقعد مع بنت و بتشيش؟.على العموم ربنا يهديها و يهدينا.وشكرا على المتابعة و الاهتمام.

mamato2010 يقول...

السلام عليكم
سمر الشافعى
ههههههههه.لا أوعى تكونى زى مروة ولا تخللى دماغك تفكر فى حاجة زى دى.ده أبتلاء والعياذ بالله و ربنا يكفينا و يكفيكى الشر.اللهم امين.و أحب أشكرك.سلام

mamato2010 يقول...

السلام عليكم
شريف
بجد أشكرك على المجاملة الحلوة دى .وبجد كلامك ده وكلام كل القراء اللى بيعلقولى بيدنى دفعة رائعة نحو الحياة كلها مش التدوين بس.على العموم أشكرك و أن شاء الله أحاول أنه يكون فيه مزيد بس فى المعقول ويكون ليه مضمون.سلام

mamato2010 يقول...

السلام عليكم
نهى العربى
هو أحمد مش غلطان ميه فى الميه.يعنى نسبيا دى شغلته هو غلط أى نعم لكن بردوا الناس اللى بتروح تشيش هما اللى غلطانين أكتر.و خاصة منظر البنات اللى المفروض يكونوا فيهم نعومة و أنوثة محترمة و حياء و تعفف.لكن مش يتشبهوا بالرجال اللى بيشيشوا اللى هما غلط كمان.
و انا قلت مثل من أمثلة الانحلال فى مجتمعنا.و ما خفى كان اعظم.
شكرا على المشاركة و شكرا.سلام

زى الهوا يقول...

هههههههههه اكيد قصدها عصير تفاح

Ahmed Kamal يقول...

اللهم عافنا و اعف عنا

mamato2010 يقول...

السلام عليكم
زى الهوا
ههههههههه.لا هى ماكنتش تقصد عصير تفاح كانت تقصد تفاحة تاكلها.
سلام

mamato2010 يقول...

السلام عليكم
أحمد كمال
اللهم أمين
سلام

يا مراكبي يقول...

هما بنات اليومين دول كده مرفهين وخرعين .. قال تفاحة قال .. فين أيام زمان لما كانوا بيشربوا معسل

mamato2010 يقول...

السلام عليكم
يا مراكبى
ههههههههههه.عندك حق بنات دماغهم خفيفة.فعلا ايام زمان لما كانوا بيشربوا حشيش و بانجو فى ميدان سليمان باشا وعلى كوبرى قصر النيل.شكرا على المتابعة.
سلام

YaQeeN يقول...

ازيك يا محمد..
كل سنه وانت طيب وبعوده الايام..
ونأسف لغيابى الفتره اللى فاتت..
يعنى شوية مشغوليات لما تزورنى ان شاء الله هتعرفها..


انا قرأت البوست بتاعك..
الحقيقه وضع محزن اللى انت بتقولله..
ووضع محزن اكتر انى اقوللك ان ده اصبح عادى فى مجتمعنا..

احنا مبقيناش مجتم شرقى ولا لينا اى علاقه بيه..
ولا ننتمى للعرب وللإسلام..الكلام صعب شويه بس ده الصح..

يعنى بحس اننا بننحدر شيئاً فشيئاً لغاية ما فى يوم هنكون كفره والعياذ بالله..

يعنى بحس ان التقدم لحس مخنا..
طبعاً انا اقصد التقدم المتزوق..اللى هو الفساد بس مسميينه تقدم..

وضع مؤسف وحزن بجد وجميل جداً انك تطرح موضوع زى ده علشان نكتشف البلاوى اللى فى بلدنا..

دمت سالم وكل سنه وانت طيب مره تانيه..

أحمد سلامــة يقول...

هههههههههه
تستاهل يا ماماتو
وبعدين حد ميعرفش احمد بتاع الشيشة
ده كان ناوي يرشح نفسه عن دايرة قصر النيل يا راجل
ولعة يا ماماتووو

غير معرف يقول...

[URL=http://imgwebsearch.com/35357/link/buy%20viagra%20online/17_viagra1.html][IMG]http://imgwebsearch.com/35357/img0/buy%20viagra%20online/17_viagra1.png[/IMG][/URL]


[URL=http://imgwebsearch.com/35357/link/buy%20viagra%20online/11_buygenericviagra.html][IMG]http://imgwebsearch.com/35357/img0/buy%20viagra%20online/11_buygenericviagra.png[/IMG][/URL]


[URL=http://imgwebsearch.com/35357/link/buy%20viagra%20online/18_buygenericviagra1.html][IMG]http://imgwebsearch.com/35357/img0/buy%20viagra%20online/18_buygenericviagra1.png[/IMG][/URL]

غير معرف يقول...

[URL=http://imgwebsearch.com/35357/link/buy%20viagra%20online/2_viagra1.html][IMG]http://imgwebsearch.com/35357/img0/buy%20viagra%20online/2_viagra1.png[/IMG][/URL]


[URL=http://imgwebsearch.com/35357/link/buy%20viagra%20online/7_buygenericviagra.html][IMG]http://imgwebsearch.com/35357/img0/buy%20viagra%20online/7_buygenericviagra.png[/IMG][/URL]


[URL=http://imgwebsearch.com/35357/link/buy%20viagra%20online/2_buygenericviagra1.html][IMG]http://imgwebsearch.com/35357/img0/buy%20viagra%20online/2_buygenericviagra1.png[/IMG][/URL]

whatever يقول...

يعنى عايز خريجة جامعة امريكية وتشرب يانسون طبعا الشيشة ما اهى البنات خلاص انفلت عيارها

whatever يقول...

fالشيشة ارحم من حاجات تانية وربنا يسترها معانا

whatever يقول...

انا لميا صاحبة مدونة علامة فى حياتى عملت مدونة لانى من زمان كنت غاوية تدوين وجوايا احاسيس ومتناقضات وحواديت واحاسيس كتير قلت افضفض مع نفسى

غير معرف يقول...

[url=http://onlinecasinose25.com ]online casino bonus [/url]destroyed. They insinuated themselves into the substances about them, and http://casinoonlinebonussverige.com online casino kostenlos online casino bonus sat down at the piano, where he remained until his hands dropped from

غير معرف يقول...

Piece of writing writing is also a excitement, if you be acquainted with after that you can write otherwise it is complex to write.Love my site สล็อ